അവർ നിങ്ങളെയും തേടി വരും വന്നു ഇന്നലെ വർഗ്ഗീയ ഭ്രാന്തൻ?
എ. സെബാസ്റ്റ്യൻ
തൊഴിലെടുക്കുന്നവരെയും പട്ടിണി പാവങ്ങളെയും സംഘടിപ്പിച്ചു കൊണ്ട് സമരം ചെയ്യുന്നവരും മതത്തിൻ്റെ വർണ്ണത്തിൻ്റെ പേരിൽ സംഘടിക്കുന്നവരും തമ്മിലുള്ള അന്തരം എന്ത്? സകലമാനവരുടെയും രക്ഷക്കായി പ്രവർത്തിക്കുന്നവരും സ്വന്തം കുലത്തിന് മാത്രമായി പ്രവർത്തിക്കുന്നവരും ഇവരിൽ നിന്നും മറ്റുള്ളവർക്ക് രക്ഷയുണ്ടോ? അവർക്ക് ഭരണത്തിലേറുവാൻ മാത്രം മറ്റുള്ളവരെ മതി. അതിന് ശേഷം സ്വന്തം കാര്യം മാത്രമായി തീരുന്നു. സകല മനുഷ്യരുടെ വിമോചനവും സ്വന്തക്കാരുടെ വിമോചനവും തമ്മിലുള്ള ഏറ്റുമുട്ടൽ തെരുവു നാടകത്തിൻ്റെ സാധ്യതകളെ പ്രയോജനപ്പെടുത്തി കൊണ്ട് എ ആർ രതീശൻ ചരിത്രത്തെ വർത്തമാനത്തിലേക്ക് ആനയിക്കുമ്പോൾ അന്ന് നടന്ന വിഷ ഗർജ്ജനം ചേർത്ത് വായിക്കുമ്പോൾ നാടകത്തിൻ്റെ പ്രസക്തിയേറുന്നു. രണ്ട് മത വിഭാഗങ്ങളിലുള്ളവർ ഒന്നിച്ച് ജീവിക്കുമ്പോൾ അതിൽ നിറം കാണുന്ന കാലത്താണ് നാം ജീവിക്കുന്നത്. ഒരേ ജാതിയിൽപ്പെട്ടവർ തന്നെ തറവാടിൻ്റെ പേരിൽ കൊന്ന് തള്ളിയതും കണ്ടതാണ്. മനുഷ്യനായി ജീവിക്കണമെങ്കിൽ എല്ലാവരെയും ഉൾക്കൊള്ളുന്ന പ്രത്യയശാസ്ത്രത്തിന് മാത്രമേ കഴിയു എന്ന് അടിവരയിടുന്നിടത്ത് കാഴ്ചക്കാരെയും നാടകത്തിൽ പങ്ക് ചേർത്ത് കൊടി വീശുമ്പോൾ അതിൽ എങ്ങനെ അണി ചേരാതിരിക്കും. കാഴ്ചക്കാരനും നടിക്കുന്നവനും തമ്മിലുള്ള അതിർ വരമ്പ് മായ്ച്ചു കൊണ്ട് ഒന്നാകുമ്പോൾ നാടകം വിജയിക്കുന്നു അസാധ്യ അഭിനയം കാഴ്ചവെച്ചു കൊണ്ട് കാഴ്ചക്കാരുടെ കാഴ്ചപിടിച്ചെടുക്കുക തന്നെ ചെയ്യുന്നു ഈ നാടകം. അമ്പലമുകൾ ട്രേഡ് യൂണിയൻ കോഡിനേഷൻ കമ്മറ്റിയാണ് അവർ നിങ്ങളെയും തേടി എത്തിയത്.