കേരള കലാമണ്ഡലം കല്പിത സർവകലാശാല ആർട്ട് ഹൈസ്കൂളിലെ എട്ടാം ക്ലാസ് പ്രവേശനത്തിന് കലാവിഷയങ്ങളിൽ അഭിരുചിയും താല്പര്യവുമുള്ള വിദ്യാർഥിനികളിൽ നിന്നും അപേക്ഷ ക്ഷണിക്കുന്നു. ഏഴാം ക്ലാസ് ജയിച്ചു, 2012 ജൂൺ ഒന്നിന് 18 വയസ്സ് കവിയാത്ത വിദ്യാർത്ഥിനികൾക്ക് അപേക്ഷിക്കാം. ഒരു വിദ്യാർത്ഥിനിക്ക് മൂന്ന് വിഷയത്തിനു അപേക്ഷ സമർപ്പിക്കാം. എ.എച്ച്.എസ്.എൽ.സി പാസ്സാക്കുന്ന വിദ്യാർത്ഥികൾക്ക് മാർക്കിന്റെ അടിസ്ഥാനത്തിൽ പ്ലസ് ടൂ ഡിഗ്രി, പോസ്റ്റ് ഗ്രാജുറ്റ്, പി.എച്ച്.ഡി എന്നീ ക്രമത്തിൽ പഠനം പൂർത്തിയാക്കാനാകും. പഠിപ്പിൽ സമർത്ഥരായവർക്ക് കലാമണ്ഡലത്തിൽ വിവിധ വ്യക്തികളും സ്ഥാപനങ്ങളും ഏർപ്പെടുത്തിയിട്ടുള്ള എൻഡോവ്മെന്റ് അവാർഡുകൾ ലഭിക്കുന്നതാണ്. പൂരിപ്പിച്ച അപേക്ഷകൾ നിശ്ചിത തീയതിക്കകം രജിസ്ട്രാറുടെ പേരിൽ തപാലിൽ അയക്കേണ്ടതാണ്.

കഥകളി സംഗീതം, ചെണ്ട, മദ്ദളം, മിഴാവ്, തിമില പഞ്ചവാദ്യം, മൃദംഗം, കൂടിയാട്ടം പുരുഷ വേഷം, ചുട്ടി എന്നീ വിഷയങ്ങളിൽ ആൺകുട്ടികൾക്കുമാത്രം അപേക്ഷിക്കാവുന്നതും, കഥകളി വേഷം, തുള്ളൽ, കർണ്ണാടക സംഗീതം വിഷയങ്ങളിൽ ആൺകുട്ടികൾക്കും പെൺകുട്ടികൾക്കും അപേക്ഷിക്കാവുന്നതും, കൂടിയാട്ടം സ്ത്രീവേഷം, മോഹിനിയാട്ടം എന്നീ വിഷയങ്ങളിൽ പെൺകുട്ടികൾക്ക് മാത്രം അപേക്ഷിക്കാവുന്നതുമാണ്.

അപേക്ഷയും വിശദവിവരങ്ങളടങ്ങിയ പ്രോസ്പെക്ടസ്സും കലാമണ്ഡലം വെബ്സൈറ്റിൽ നിന്ന് (www.kalamandalara.catin) ഡൗൺലോഡ് ചെയ്യാവുന്നതാണ്. പൂരിപ്പിച്ച അപേക്ഷകൾ സ്വീകരിക്കുന്ന അവസാന തീയതി 2022 മെയ് 24-ന് വൈകീട്ട് 4 മണി.

ഈ വർഷം മുതൽ ഓരോ വിഭാഗത്തിലേയും സീറ്റിന്റെ അഞ്ച് ഇരട്ടി അപേക്ഷകൾ ഉള്ള വിഭാഗങ്ങളിലെ അപേക്ഷകർക്ക് മാത്രമായിരിക്കും പൊതുവിജ്ഞാന പരീക്ഷ ഉണ്ടായിരിക്കുക. മറ്റ് വിഭാഗങ്ങളിലെ അപേക്ഷകരെ അഭിമുഖ പരീക്ഷക്ക് ക്ഷണിക്കുന്നതായിരിക്കും. പൊതുവിജ്ഞാന പരീക്ഷ, കലാമണ്ഡലം ആർട്ട് ഹയർസെക്കണ്ടറി സ്കൂളിൽ വെച്ചു നടത്തുന്നതായിരിക്കും. പരീക്ഷ തീയതി പിന്നീട് അറിയിക്കും. പരീക്ഷയിൽ പങ്കെടുക്കുന്നതിന് വിദ്യാർത്ഥികൾ സ്വന്തം ചെലവിൽ എത്തിച്ചേരേണ്ടതാണ്.