മലയാള നാടകപ്രവര്‍ത്തകരുടെ അന്താരാഷ്ട്ര ഓണ്‍ലൈന്‍ കൂട്ടായ്മയായ ലോക നാടക വാര്‍ത്തകളുടെ ആഭിമുഖ്യത്തില്‍, ഡി. പാണി മാസ്റ്റര്‍ അനുസ്മരണ അന്താരാഷ്ട്ര ബാല നാടക രചനാ മത്സരത്തിലെ വിജയികള്‍ക്കുള്ള അവാര്‍ഡു ദാനം 2021 നവംബര്‍ 21 ഞായറാഴ്ച രാവിലെ പത്തുമണിക്ക് തൃശ്ശൂര്‍ സാഹിത്യ അക്കാദമി വൈലോപ്പിള്ളി ഹാളില്‍ വച്ചു നടത്തുന്നു. ശ്രീ. പ്രിയനന്ദനന്‍ ഉദ്ഘാടനം ചെയ്യുന്ന സമ്മേളനത്തില്‍ സര്‍വ്വശ്രീ. ചാക്കോ ഡി. അന്തിക്കാട്, കെ. രഞ്ജിത്ത് പേരാമ്പ്ര, ജയന്‍ മേലത്ത് എന്നിവര്‍ വിജയികള്‍ക്കുള്ള അവാര്‍ഡ് സ്വീകരിക്കുന്നു. തുടര്‍ന്ന് അദ്ധ്യാപകനും നാടകപ്രവര്‍ത്തകനുമായ ശ്രീ. സുനില്‍ കുന്നരു, ഡി. പാണി മാസ്റ്റര്‍ അനുസ്മരണ പ്രഭാഷണവും പ്രഫ. പി.ഗംഗാധരന്‍ മാസ്റ്റര്‍ 'കളികളിലെ നാടകം' എന്ന വിഷയത്തില്‍ നാടകപ്രഭാഷണവും നടത്തുന്നു. ചടങ്ങില്‍ ഡോ. ഷിബു എസ്സ്. കൊട്ടാരം, അഡ്വ. വി.ഡി പ്രേമപ്രസാദ്, ഡോ. എന്‍. കെ. ഗീത, രമേശ് കാവില്‍, ടി.എ. ഉഷാകുമാരി, ലീല ഡി. പാണി, മോഹന്‍രാജ് പി.എന്‍, അഡ്വ. താര എന്‍. എസ്സ്, നജ്മുല്‍ ഷാഫി, ഹരിദാസ് കെ.യു ,സുജിത്ത് കപില, സാനു ആന്റണി, ജിജു ഒറപ്പടി, ജീന രാജീവ്, അബ്ദുള്‍ ജലീല്‍ കുന്നത്ത്, ശ്രീജിത്ത് പൊയില്‍ക്കാവ് തുടങ്ങിയ പ്രമുഖര്‍ പങ്കെടുക്കുന്നു. എല്‍.എന്‍.വിയുടെ കുട്ടികളുടെ നാടകവേദിക്കു വേണ്ടിയുള്ള കിളിത്തട്ട് എന്ന പുസ്തകത്തിലേക്കു തിരഞ്ഞെടുത്ത മൂന്നു നാടകങ്ങളുടെ നാടകകൃത്തുക്കളായ റഫീക് മംഗലശ്ശേരി, സുധന്‍ നന്മണ്ട, അനീഷ് നെടുമങ്ങാട് എന്നിവര്‍ക്ക് പ്രശസ്തിപത്രം നല്‍കി ആദരിക്കുന്നു. അതോടൊപ്പം പുറംചട്ട പ്രകാശനം ഈ മൂന്നു നാടകകൃത്തുക്കള്‍ ചേര്‍ന്നു നിര്‍വ്വഹിക്കുന്നു.

പ്രവേശനം പൂര്‍ണ്ണമായും കൊവിഡ് നിബന്ധനകള്‍ പാലിച്ചുകൊണ്ടായിരിക്കും.