സിദ്ദീഖി കണ്ണില്ലാത്ത തീവ്രവാദത്തിന്റെ ഇര.
എൽ.എൻ.വി സംയുക്ത പ്രസ്ഥാന
![](/images/Adobe_Post_20210731_2030180.5754821845138532.png)
സിദ്ദീഖി: ഛേദിക്കപ്പെട്ട ഒരു ചിത്രം പോലെ ഡാനിഷ് സിദ്ദീഖിയുടെ മൃതദേഹം ഛേദിക്കപ്പെട്ടിരുന്നെന്ന് കാണ്ടഹാർ ഹോസ്പിറ്റലിൽ നിന്നുമുള്ള റിപ്പോർട്ട്. ജൂലൈ 16 നായിരുന്നു 38 കാരനായ ദൽഹി ജാമിയ മില്ലിയ ഇസ്ലാമിയ യൂണിവേഴ്സിറ്റി ബിരുദധാരിയായ ഫോട്ടോഗ്രാഫർ കൊല്ലപ്പെട്ടത്. ദക്ഷിണ ഏഷ്യയിലെ അവിസ്മരണീയങ്ങളായ ഒരുപിടി ചിത്രങ്ങൾ ലോകത്തിന് സമ്മാനിച്ച സിദ്ദീഖിയുടെ കാമറ അധികവും കണ്ണ് തുറന്നത് അക്രമത്തിനും അനീതിക്കും നേരെയായിരുന്നു. അഫ്ഗാൻ കമാൻഡുകൾക്കൊപ്പം സ്പിൻ ബോൾഡാക് എന്ന സ്ഥലത്തേയ്ക്ക് പോയ സിദ്ദീഖിയുടെ വാഹനത്തിന് നേരെ കടന്നാക്രമണം ഉണ്ടാവുകയായിരുന്നു. സിദ്ദീഖിയുടെ ഭൗതിക ശരീരം അടക്കിയിരിക്കുന്നത് ദൽഹി ജാമിയ മില്ലിയ ഇസ്ലാമിയ യൂണിവേഴ്സിറ്റി സിമിത്തേരിയിലാണ്. ആ മഹാനായ കലാകാരൻ നേരിട്ട പൈശാചികമായ ആക്രമണത്തെ എൽഎൻവി ശക്തമായി അപലപിക്കുന്നു. ലോകത്ത് കലയോ കലാകാരന്മാരോ വേട്ടയാടപ്പെടുന്നത് അങ്ങേയറ്റം എതിർക്കപ്പെടേണ്ടതാണെന്ന് എൽഎൻവി വിശ്വസിക്കുന്നു.