അകാലത്തിൽ പൊലിഞ്ഞു പോയ നാടക സംവിധായകനും അഭിനേതാവും LNV സെൻട്രൽ അഡ്മിൻ അംഗവുമായിരുന്ന ഗിരീഷ് കാരാടിയുടെ സ്മരണാർത്ഥം, മലയാള നാടക പ്രവർത്തകരുടെ അന്താരാഷ്ട്ര നവ മാധ്യമ കൂട്ടായ്മയായ ലോക നാടക വാർത്തകൾ (LNV) സംഘടിപ്പിക്കുന്ന 'ഗിരീഷ് കാരാടി മെമ്മോറിയൽ LNV ഇന്റർനാഷണൽ മൈക്രോ ഡ്രാമ ഫെസ്റ്റിവലിൽ' മത്സര വിജയികളെ പ്രഖ്യാപിച്ചു. മികച്ച നാടകം, മികച്ച രണ്ടാമത്തെ നാടകം, മികച്ച രചന, മികച്ച സംവിധാനം മികച്ച നടൻ, നടി ,ബാലതാരം എന്നീ ഇനങ്ങളിലാണ് വിജയികളെ പ്രഖ്യാപിച്ചത്. തിരഞ്ഞെടുക്കപ്പെട്ട പന്ത്രണ്ടോളം നാടകങ്ങളിൽ നിന്നാണ് വിജയികൾ തിരഞ്ഞെടുക്കപ്പെട്ടിട്ടുള്ളത്. വിധി കർത്താക്കൾ പ്രശസ്ത നാടക സംവിധായകനും എഴുത്തുകാരനുമായ ഡോ. ചന്ദ്രഹാസൻ, പ്രശസ്ത സീരിയൽ തിരക്കഥാകൃത്തും നാടക പ്രവർത്തകനുമായ ചെറുന്നിയൂർ ജയപ്രസാദ്, പ്രശസ്ത നാടക പ്രവർത്തകനും സാഹിത്യകാരനുമായ സുനിൽ കെ ചെറിയാൻ എന്നിവർ ആയിരുന്നു.

മത്സര വിജയികൾ 

മികച്ച നാടകം : കസേരകൾ

മികച്ച രണ്ടാമത്തെ നാടകം : മൃതകം 

മികച്ച രചന : വിജേഷ് കാരി (കസേരകൾ)

മികച്ച സംവിധാനം : സുനിൽ ഗുരുവായൂർ (കസേരകൾ), സുധീർ ബാബുട്ടാൻ (രാക്ഷസി)

മികച്ച നടൻ : പ്രവീൺ (കസേരകൾ)

മികച്ച നടി : ആശ്രിത രഞ്ജിത്ത് (കസേരകൾ)

മികച്ച ബാലതാരം : ബേബി സാലിയ (തറവാട്)