പാലക്കാട്: കേന്ദ്ര വാർത്താവിതരണ പ്രക്ഷേപണ മന്ത്രാലയത്തിനു കീഴിലുള്ള സെൻട്രൽ ബ്യൂറോ ഓഫ് കമ്യൂണിക്കേഷൻ എം പാനൽ ചെയ്യുന്നതിനായി കലാ സംഘങ്ങളിൽ നിന്ന് അപേക്ഷ ക്ഷണിച്ചു.

സെൻട്രൽ ബ്യൂറോ ഓഫ് കമ്യൂണിക്കേഷൻ വിവിധ ജില്ല കളിൽ നടത്തുന്ന ആശയ വിനിമയ ബോധവത്കരണ പരിപാടികളിൽ കലാ സാംസ്കാരിക പരിപാടികൾ അവതരിപ്പിക്കുന്നതിന് നിശ്ചിത വേതനം നല്കി ഇത്തരം സംഘങ്ങൾക്ക് അവസരം നല്കും.

നാടകം, ഡാൻസ്, നാടൻ പാട്ട് - കലാരൂപങ്ങൾ, പാവകളി, മാജിക് തുടങ്ങി ഏത് കലാരൂപവും അവതരിപ്പിക്കുന്ന വ്യക്തികൾക്കും സംഘങ്ങൾക്കും പാനലിൽ രജിസ്റ്റർ ചെയ്യാം.

മൂന്നു വർഷത്തേക്കാണ് രജിസ്ട്രേഷൻ നല്കുന്നത്.

സംസ്ഥാനത്തെ കലാ സംഘങ്ങൾ തിരുവനന്തപുരത്തേക്കാണ് അപേക്ഷ അയയ്ക്കേണ്ടത്.

വിലാസം : അഡീഷണൽ ഡയറക്ടർ ജനറൽ , സെൻട്രൽ ബ്യൂറോ ഓഫ് കമ്യൂണിക്കേഷൻ, ഗവ. ഓഫ് ഇന്ത്യ, വന്ദനം, ബേസ്മെൻറ് ഫ്ലോർ , യു ആർ ആർ എ- 7 എ , ഉപ്പളം റോഡ്, സ്റ്റാച്യൂ, തിരുവനന്തപുരം -

 695 001 .

കൂടുതൽ വിവരങ്ങൾ www.davp.nic.in / www.cbcindia.gov.in എന്നീ വെബ് സൈറ്റുകളിൽ ലഭിക്കും.

അപേക്ഷസ്വീകരിക്കുന്ന അവസാന തീയതി ഒക്ടോബർ 10.