നർത്തകി മൻസിയ വി.പിയെ ഒഴിവാക്കിയ വേദിയിൽ ഭർത്താവ് ശ്യാം വയലിൻ വായിക്കാനെത്തി.
- ഫെയിസ്ബുക്ക് പോസ്റ്റ്
രേണു രാമനാഥ്
![](/images/IMG-20220419-WA0036.jpg)
അഹിന്ദുവായതിനാൽ ക്ഷേത്രത്തിൽ പരിപാടി അവതരിപ്പിക്കാനുള്ള അവസരം നിഷേധിക്കപ്പെട്ട നർത്തകി മൻസിയയ്ക്ക് പിന്തുണ പ്രഖ്യാപിച്ചു കൊണ്ട് ചില നർത്തകർ കൂടൽ മാണിക്യക്ഷേത്രത്തിലെ ഉത്സവപ്പരിപാടിയിൽ നിന്ന് പിൻ മാറിയിരുന്നല്ലോ. ഹിന്ദുവാണെന്ന് എഴുതി ഒപ്പിട്ടു കൊടുക്കേണ്ട ഒരു വേദിയിൽ പരിപാടി അവതരിപ്പിക്കാൻ താല്പര്യമില്ലെന്നാണു പിൻമാറിയ കലാകാരർ പ്രസ്താവിച്ചിരുന്നത്.
പക്ഷെ, ഇക്കാര്യത്തിൽ മൻസിയയുടെ ഭർത്താവ് വയലിനിസ്റ്റ് തൃശൂർ ശ്യാം കല്യാണിനു വ്യത്യസ്തമായ നിലപാടാണുള്ളതെന്ന് മനസ്സിലാക്കുന്നു.
കൂടൽ മാണിക്യം ഉത്സവം 2021 - മൂന്നാം ദിവസമായ ഇന്ന് നീലമ്പേരൂർ സുരേഷ് കുമാറിൻ്റെ കച്ചേരിക്ക് വയലിൻ വായിക്കാനെത്തിയത് ശ്യാം കല്യാൺ ആയിരുന്നു. പരിപാടിക്കു ശേഷം ദേവസ്വം ബോർഡ് ചെയർമാനും, പ്രോഗ്രാം കമ്മറ്റി ഭാരവാഹികൾക്കുമൊപ്പം ഫോട്ടോയെടുക്കാനും ശ്യാം കല്യാണിനു മടിയുണ്ടായില്ല.