ദുബായിൽ ഖിസൈസ്സിൽ പ്രശസ്ത നാടക സിനിമാ നടൻ ശ്രീ അടാട്ടു ഗോപാലൻ നയിക്കുന്ന അഭിനയ പരിശീലനക്കളരി നടത്തുന്നു എന്ന് അൽ ഖുസ് തീയേറ്റർ ദുബായ് ഭാരവാഹികൾ അറിയിച്ചു. മെയ്‌ 14, 15 ദിവസങ്ങളിലായി ദ്വിദിന അഭിനയ പരിശീലനക്കളരിയാണ് നടക്കുന്നത്.

കഴിഞ്ഞ 33 വർഷമായി നാടകരംഗതും സിനിമാ രംഗത്തും സജീവ പ്രവർത്തകൻ ആണ് ശ്രീ അടാട്ട് ഗോപാലൻ. അഭിനയരംഗത്ത് ചുവടുറപ്പിക്കുന്നത് ജോസ് ചിറമ്മലിന്റെ നാടകവേദിയായ തൃശൂർ റൂട്ടിലൂടെയാണ്(1989). തുടർന്ന് തിയേറ്റർ ഐ, ഓക്സിജൻ തിയേറ്റർ, അഭിനയ തിരുവനന്തപുരം, തൃശ്ശൂർ നാടക സംഘം തുടങ്ങി നിരവധി നാടക സംഘങ്ങളുമായി കൈകോർത്ത് പ്രവർത്തിച്ചിട്ടുണ്ട്. ഇന്ത്യയ്ക്ക് അകത്തും പുറത്തുമായി നിരവധി നാടകങ്ങൾ അരങ്ങിൽ എത്തിച്ചിട്ടുണ്ട്. 2013ൽ ഗോൾബൽ തീയേറ്ററിൽ സംഘടിപ്പിച്ച ഷേക്സ്പിയർ ഫെസ്റ്റിവലിൽ ഷേക്സ്പിയറുടെ പ്രശസ്ത കഥയായ ദി ടെമ്പേസ്റ്റിലെ എരിയൽ എന്ന കഥാപാത്രം അഭിനയിച്ച് ശ്രദ്ധേയമാക്കി. സിനിമകളിൽ വലുതും ചെറുതുമായി നിരവധി കഥാപാത്രങ്ങൾ അവതരിപ്പിച്ചു. അവസാനമായി പ്രേക്ഷകരുടെ മുന്നിൽ എത്തിയ പട എന്ന സിനിമയിലെ ഉസ്മാൻ എന്ന വേഷം സിനിമാ സ്നേഹികളുടെ മനസ്സിൽ ഇടം പിടിച്ചു.

ഈ രണ്ടുദിന അഭിനയ പരിശീലനക്കളരിയുടെ ഭാഗമാകാൻ താത്പര്യപ്പെടുന്ന അഭിനയ മോഹികൾ ബന്ധപ്പെടുക +971-568410848 / 557494073

G form - https://docs.google.com/forms/d/1gqtaqCawzI0gkgSTaP2s3-EXI-TxYcGkgimlZXtRgvA/edit?usp=sharing